Биыл М.Әуезов атындағы Әдебиет және өнер институтының «Шетел қазақтарының фольклоры мен өнері» атты мемлекеттік жобасының аясында экспедиция ұйымдастырылып, Еділдің төменгі жағалауындағы қазақтардың өмірі мен мәдениетімен жақын танысып қайтуға мүмкіндік туды. Ресейдің Самара облысынан басталған зерттеу жұмысы Саратов, Волгоград, Астрахань облыстарымен жалғасты.

Түркия сапарым жеке ғылыми қызығушылығыммен жүзеге асты. Өйткені осыған дейін Моңғолия қазақ әндеріне арналған ғылыми диссертация қорғалса, Қытай қазақтары күйлерінің он шақты жинағы шықты. Ал Қытай қазақтарының бір бөлшегі болып саналатын Түркия қазақтарының музыкасы назардан тыс қалып келеді.

Қазақстанның еңбек сіңірген қайраткері, профессор Айтқали ЖАЙЫМОВ қазіргі уақыттағы еліміздің музыка кеңістігіндегі елеулі мәселелер туралы ойларымен бөлісті

1985 жылы Ашхабад маңындағы қазақтарға концерттік сапармен барғаным әлі есімде. Сахнаға шығып термемді бастағаным сол еді, менің «әй!» деп басталатын қаратпа интонацияма залдың қосылып кеткені! Биік нотамен айтылатын дыбысымды көрерменнің түгелдей дерлік дөп түсіп қайталауы таң қалдырды. Осындай өнерге деген ыстық ықыласты, әр сәтті қалт жібермейтін тыңдарманды Қытай жеріндегі қандастарымызға іс-сапармен барғанда көрдім.