Жаз келгенде гүлге толады туған даламыз,
Күлімдеп біздер ән саламыз.
Ұшқан құстай еркін шарықтап қанат қағамыз,
Бақыт табамыз.

Қайырмасы:
Гүл – жастық шақтың серігі,
Гүл – махаббаттың көрігі.
Жайнай берші жасыл бақта,
Осынау шақта!

Құс келеді жырмен оятып ашық аспанды,
Қуаныш тербейді жас жанды.
Жарқын көктем шаттық шалқары, уақыт дастаны,
Әнмен басталады.
Қайырмасы.

Айнала көктем, айнала көктем гүл жарған
Жұлдыз боп жайнап, жұлдыз боп ойнап, тұрды арман.
Еседі самал, көшеді бұлттар, ақша бұлт
Төбесі көкпен таласып тұрған шыңдардан.

Қайырмасы:
Шаттанам да күлемін,
Кеудемнен бұлақ өргендей.
Шаттанам да күлемін,
Бақыт кеп қолын бергендей.

Айналам бау-бақ, қиялым самғап кетті өрге,
Жетсем-ау деймін көңілден ұшқан көктерге.
Жетсем-ау деймін ақша бұлт көшкен шыңдарға,
Жетсем-ау деймін көп күткен мені көктемге.
Қайырмасы.

Еркелеп күнге, майысып билеп тұр гүлдер,
Келсеңші дейді, бала күндегі құрбыңмен.
Терсеңші дейді, гүлімді менің кең дала,
Сондықтан, достар, гүл теріп бүгін жүрмін мен.
Қайырмасы.

Шекарада күзетте,
Қас қақпайды ағалар.
Балбыраймыз тқсекте,
Біз алаңсыз балалар.

Маздап бейбіт жанады от,
Қаймықпаймыз қауіптен.
Ұшқыр біздің самолет,
Жүйрік біздің танктер.

Армиямыз айбынды,
Армиямыз қаһарлы!
Күзетеді Ай нұрлы,
Күн сәулелі Отанды.

Ей, құрбым, мен өзім еркемін,
Жел қайық көтерген желкенмін.
Жігіттің не түрін, не гүлін
Елітіп соңымнан ертемін.
Байсалды болғанды сүймеймін,
Барлығын бір өзім билеймін.
Қабағын қар жапқан ашушаң,
Қызғаншақ жігітке тимеймін.

«Ә» десем, аузыма қарасын,
«Әй» десем, әкелсін бар асын.
Мен тапсам, ол күтсін ұрпағын.
Бүгжеңдеп бақпаймын баласын.
Көнбесе, бір түнде кетемін,
Бағасы бес тиын некенің!
Кең балақ келін боп жүргенше,
Өмірі күйеусіз өтемін.

Модадан, қартайсам, қалмаймын,
Шик-модер болмаса алмаймын.
Осыған көнбесе көнбесін,
Жігіттер жетеді, таңдаймын!
Ал, қане, қорықпас қайсың бар?
Кімдер бар тәуекел, айтыңдар!
Болмаса, басымды қатырмай,
Қайқайып үйіңе қайтыңдар!

Бір қуаныш құйылады жас жанға,
Гүл көремін тарғыл қара тастанда.
Қиял құсы шарықтайды аспанға,
Өзің болсаң, өзің болсаң жанымда.
Қайырмасы:
Үмітімнің жалғанады үзігі,
Өмірімнің көбейеді қызығы.
Көңілімнің көбейеді қызығы,
Өзің болсаң, өзің болсаң жанымда.

Достардың да тойларын бір тойлаймын,
Өткен күнді, келер күнді ойлаймын.
Гүл-өмірдің қызығына тоймаймын,
Өзің болсаң, өзің болсаң жанымда.
Қайырмасы.

Дәл мұндай күйді,
Жоқ едім бастан кешірген.
Ғашықтық жайлы,
Армандап едім несін мен?
Жатқандай бейне,
Жүрегімді ақыл жаныштап,
Қойдың ғой кетпей есімнен.

Қайырмасы:
Өзіңдей жанға,
Кез болып мынау ғаламда.
Оянды мендік,
Бұйығы қиял табанда.
Оятқан сенсің,
Ұйқыда жатқан кеудемді,
Жарқын ой жанды санамда.

Ғаламат тауға,
Жіберіп көздің жебесін,
Көрмегендерге ауылындағы төбе шың.
Түсінсең болды тек өзің ғана халімді,
Білмеген жандар не десін.

Қайырмасы:
Қорқамын несін,
Жаңылған жандай есімнен?
Тағдыр да мынау,
Екі өзен болып есілген.
Арманға толы,
Сенімен өткен күндерге,
Өмірде, сірә өкінбен.

Алдамшы сөздермен                     
Алдампаз көздердің                       
Арасында,                                       
Тым жалғыз қалдым мен               
Тым жалғыз қалдым мен               
Нанасың ба?                                    
Бұралаң жолым көп,                          
Бағымнан сорым көп,                  
Әйтсе дағы,                                    
Еске алар сен барсың 
Еске алар сен барсың                   
Қазақтың ұмытшақ,                                
Даласында.                                     

Азайды достарым,
Қуланды қастарым,
Қатал қайғым.
Мақсатым көп еді,
Қиындық бөгеді
Жете алмаймын!
Ақыны болған соң
Жақыны болған соң
Тағдыр солай,
Халқымның мұңынан,
Халқымның мұңынан,
Алыстап ешқайда,
Кете алмаймын.

Шашыңызды, қасыңызды түзеймін,
Қисық өссе сақалды да күзеймін.
Желкеменен самайды да мұндайда,
Қаласаңыз келтіремін ыңғайға.

Қайырмасы:
Ей, ей!
Келіңдер, достарым, келіңдер,
Шаштараз өнерін көріңдер.
Десек те шашты біз түтеміз,
Сіздерді қонақтай күтеміз,
Келіңдер, достарым, келіңдер!

Шашыңыздан көрінбейді мойныңыз,
Шашқа неге ерік беріп қойдыңыз.
Бұрым өру жараспайды бозбала,
Мұрт қойыпсыз, жарасады, қозғама.
Қайырмасы.

Кел біздің Ойыл, Қиыл саламызға,
Жан сая самал өскен даламызға.
Байлаулы балдай тәтті бағланымыз,
Сар қымыз сапырулы сабамызда.

Қайырмасы:
Қыры қырман қайнаған,
Ойы думан шалқыған.
Атамекен туған жер,
Айналайын Ойыл деген,
Ойыл деген даңқыңнан!

Сыңсыса су бойында бақтарымыз,
Сай күміс өсті қырда ақ тарымыз.
Ай жатып аулымызды араласаң,
Белдеуде дәйім дайын аттарымыз.
Қайырмасы.

Жез таңдай желдей ескен жыршымыз бар,
Ойнаған он саусағы күйшіміз бар.
Қыздырған қыруар жігіт делебесін
Қынай бел, қаз омырау бишіміз бар.
Қайырмасы.

Елім бай жаны жомарт жастарыма,
Жерім бай жеңістердің дастанына.
Ардақтап ата Шоқан аруағын,
Тартамыз талай табыс асқарына.
Қайырмасы.

Сағынғанда жарыңа
Жіберіпсің орамал.
Жабырқасам, жаныма –
Жәрдем берген сол – аужал.
«Сәулеме» деп жазылған
Орамалда сөзің тұр.
Сонда сенің сағынған
Мөлдіреген көзің тұр.

Жалғыз ауыз сөзіңді
Дәрмен көріп жаттаймын.
Қайда жүрсем өзіңді
Көкіректе сақтаймын.
Сақтай-сақтай жүремін
Төс қалтамнан шығармай.
Жүрегің мен жүрегім
Бірге соғып тұрғандай.

Отаным, кең далам, орманды,
Болаттан соғылған қорғанды.
Бақыттың, шаттықтың мекені,
Қолдаймын, қорғаймын Отанды.

Қайырмасы:
Туған жер – алтын таң,
Кең далам, таулы орман.
Ұл мен қыз қорғаймыз,
Бақытты ұлы Отан.

Айдын көл, дархан ел, туған жер,
Жастарың жалынды жауынгер!
Жарқын жаз, үйрек, қаз жүзетін,
Күміс су, кең байтақ жасыл бел.
Қайырмасы.

Сәнді тау, бақша-бау, шалқар көл,
Малға жай, кенге бай туған ел.
Тәтті күй, әсем би, сұлу ән,
Ойнайды ер, шырқайды ел, шаттық жел.
Қайырмасы.

Баулыған партия күніміз,
Отанның жан қияр ұлымыз.
Аттан сап қойсақ лап уралап,
Көкке өрлер дауылпаз үніміз.
Қайырмасы.

Жұлдыз жусап аспанда,
Күзетте «Жеті қарақшы».
Қорған болып Отанға,
Шекарада тұр сақшы.

Борышыңды атқарып,
Сен қайтарсың күлімдеп.
Ән шырқатып, шаттанып,
Қарсы алармын «күнім» - деп.

Күзет достым, сақ бол, сақ,
Бетіңнен сүйсін алтын таң.
Тынығып... тыныш ұйықтап,
Күле оянсын ұлы Отан!

Туған өлке құлпырып
Жасыл орман жамылды.
Жаңа толқын бұлқынып,
Жағалай шам жағылды.
Даңқы кеткен жер-көкке
Ұлан байтақ еліміз.
Озып шығып еңбекте,
Жұлдыз таққан еріміз.

Қайырмасы:
Әкеміз, қамқоршымыз – ұлы Ленин,
Өмір күні – Ленин!
Халқымыз болашаққа бара жатыр,
Жол нұсқап тұр партия!
Әкеміз, қамқоршымыз – ұлы Ленин,
Өмір күні – Ленин!
Халқымыз болашаққа бара жатыр,
Жол нұсқап тұр партия!
Жол нұсқап тұр,
Жол нұсқап тұр партия!
Болашаққа бара жатыр
Жол нұсқап тұр партия!
Қамқоршымыз – ұлы Ленин,
Өмір күні – Ленин!
Болашаққа бара жатыр
Жол нұсқап тұр партия!

Таң атқанда гүл бағын суарамын,
Күнде ертемен өзеннен су аламын.
Алтын сәуле көремін сол бір шақта
Сенің нұрың болар деп қуанамын.

Қайырмасы:
Жаным деп маған үн қатқан,
Жүрекпен сүйіп ұнатқан.
Бақытым менің,
Таппаспын теңін,
Махаббат гүл атқан.

Сағынышпен күтемін әр бір таңды,
Жақсы үмітпен арнаймын толқын әнді.
Бақытымдай жалт еткен жанарыңнан
Ұшқын түсті жаныма өшпес мәңгі.
Қайырмасы.

Өзің сүйіп аңсаған ардағыңмын,
Өзің едің жұлдызы арманымның.
Көгершіндей ұялап көңіліңе,
Жүрегіңде табысқан жан жарыңмын.
Қайырмасы.

Көктемнің мынау – көк ала жалау,
Көңілде – нала, көңілде – алау.
Жетер ем мініп жүйрікке жарау,
Қайдасың, қайдасың, күлім көз еркем?!

Қайырмасы:
Күнімдей көркем, күлім көз еркем,
Барады өртеп сағыныш!
Сағындым сені-ай, сағындым сені-ай,
Сағындым сені-ай, күлім көз еркем!

Жаз болса мынау – жолыңа қарау
Көңілім – жадау, көңілім – жамау.
Тағдырдың жолы – тоқсан мың тарау,
Қайдасың, қайдасың, күлім көз еркем?!
Қайырмасы.

Күз болса мынау – бұлт болып жылау,
Көңілде – сауал, көңілде – сұрау.
Сұлуда әлде болмай ма тұрлау?!
Қайдасың, қайдасың, күлім көз еркем?!
Қайырмасы.

Қыс болса мынау – ақ күміс қырау,
Көңілде – кірбің, көңілде – қылау.
Жаным да азар шықпай-ақ жүр-ау!..
Қайдасың, қайдасың, күлім көз еркем?!
Қайырмасы.

Сағындым мен сонау жылғы көктемді,
Сағым жүзген алау гүлді бөктерді.
Сағындым мен айнабұлақ басында,
Алғаш рет ерініңнен өпкенді.

Қайырмасы:
Көктем келді,
Көк белдерді
Қыдырып бір қайталық.
Ғашық болған,
Асып, толған,
Кезді жыр ғып қайтайық.

Гүлдер жайнап, тапса жанның дауасын,
Күндер заулап, көрсетпейді-ау қарасын.
Көктем сайын өзің ғана менімен,
Алғаш рет кездескендей боласың.
Қайырмасы.

Хош дегендей, қаздар қайтып кетеді,
Тос дегендей, саздары айқын жетеді.
Махаббатты мәңгі көктем деп білем,
Жүрек соның жазиралы мекені.
Қайырмасы.

Асқақтата салғаным жайлау әні,
Баққан малым жайлаудың болған сәні.
Қай жерімнен мін таптың, қалқатайым,
Менің жазған хатыма жауап кәне?

Қайырмасы:
Кездескен күн есімде,
Айлы жаздың кешінде.
Еске сақта, қалқатай,
Айта берем несіне.

Жайлау қандай, жаз қандай, өзім қандай,
Көрген адам біздерге таңданғандай.
Жалғыз жүріп есіме сен түскенде,
Қарсы алдымнан болады шам жанғандай.
Қайырмасы.

Кездесіп ек колхоздың айлы түні,
Құлағымнан қалқаның кетпейді үні.
Шығасың ба алдымнан, шықпайсың ба,
Москвадан Жұлдыз ап келген түні?!
Қайырмасы.

Біздің антымыз Отанға,
Жауды жеңу бұл таңда.
Ал, алға бас, жолдастар,
Жер бетінен фашисті құртуға.

Қас жау халыққа, қанқұмар,
Сұр жыландай сұм, шұбар.
Сол сұмырайды құртамыз,
Ер жауынгер, майданға тартыңдар.

Тиген тып-тыныш елдерге,
Гүл жайнаған жерлерге.
Қан көксеген жалмауыз,
Өзі тиген жойылсын жерлерде.

Жауды күл қылып майданда,
Құртып көктен, ойдан да.
Бас маршты асқақтай,
Абыройлы, намыспен майданға!

Елім бар кең даланы мекендеген,
Оған мол парызым бар өтелмеген.
Өр сезім, асқар ойлы арманым бар,
Әлемнің аспанына жетем деген.
Өзіңе әркім арнап асқақ әнін,
Билейді қуанышы жас баланың.
Қазақтың қасиетті даласында,
Еліме еркелеймін, мақтанамын.

Қайырмасы:
Ей! Атырау-Алтай арасын,
Жайлаған елге қарашы,
Сәулетті қазақ даласы.

Баураған байтақ дала, асқар тауы,
Қойныңда келеді өсіп достар саны.
Халқымның өз жеріндей пейлі де кең,
Жайылған берекелі дастарханы.
Отаным, туды өзіңде мол арманым,
Білемін бақыт сенен таралғанын.
Төрт бұрышын төңіректің кезсем-дағы,
Өзіңдей ыстық жерді таба алмадым.
Қайырмасы.

Таң атқанда қарасаң айналаңа, туған жер,
Көзің тұнар ғажайып бай далаға, туған жер.
Шығар күннің шапағы алтын шапақ,
Мейірлене төгеді сай-салаға.

Қайырмасы:
Елім жомарт, көңіл шат,
Ән шырқағым келеді.

Өмір күйі шарықтап,
Шаттыққа жанды бөледі.
Мал өреді жарасып жасыл белден.
Сыңғырлайды өзендер төсін керген,
Туған елді келеді аймалағым,
Шын бақытты таптым ғой осы жерден.
Қайырмасы.