Сүйген сәулем Нұржамал,

Күтудемін бір хабар.

Үш жыл өтті ойыңды,

Біле алмай болдым дал.

Қайырмасы:

Жауап тосып өзіңнен,

Әлі үйленбей жүрмін мен.

Мезгіл өтіп барады-ау,

Айыпты оған жалғыз сен.

Жалғыз сені ұнатам,

Неге, сәулем, нанбайсың.

Жанымды қалай жұбатам,

Жүрегің жоқ па, қандайсың.

Қайырмасы.

Ұмытсам деп сені мен,

Көрсем де болам көрмеген.

Келбетің сенің әрқашан,

Тұрады кетпей көзімнен.

Қайырмасы.