Аққу
Нұрғиса Тілендиев
  • Кезікпей келген бейне ме ең

  • Ардағым ба едің,
    Арманым ба едің,
    Кезікпей келген бейне ме ең.
    Арайлы әсем,
    Таңдарым менің,
    Кеш көрдім бе екем дей берем.

    Ән болып келдің,
    Сән-көрік бердің,
    Қарадым үнсіз ұрланып.
    Өзіңді қалқам,
    Таң болып көрдім
    Кеткендей кеудем нұрланып.

    Мөп-мөлдір көзің,
    Төккен нұр сезім,
    Лаулатты бойда жалынды.
    Қалар ем үнсіз,
    Жетпейді-ау төзім,
    Өрт шалды, қалқам, жанымды.

    Үн қатпай саған,
    Тыңдатпай тағы ән,
    Қиялға батам кейде мен.
    Жанымды қалай,
    Жырлатпай қалам,
    Кешіктім бе әлде дей берем.

  • Категория:

    Кеңес және тәуелсіздік кезеңі композиторлары шығармалары