Айт дегенде өлеңді аңырмаймын,
Көлден ұшқан аққудай мамырлаймын.

Қайырмасы:
Еркем-ай,
Бүгін болған мерекең
Болсын тағы ертең-ай.

Қайда жүрсем жақсының жанындамын,
Іздегенмен жаманға табылмаймын.

Әншілердің серігі домбыра ма,
Тарта берсең домбыра болдыра ма.

Домбыраны баппенен қолға алып,
Шарықтата әнге сал оң бұра да, еркем-ай,
Бүгінгі күнің тамаша,
Ертең бұдан көркем-ай, еркем-ай,
Бүгін болған тамаша,
Болсын тағы ертең-ай.