Сен жүрер деп алдыңда жолың жатыр,
Атқа мінсең, атаңдай болған батыр.

Әлди-ай, әлди-ай, әлди-ай!

Орман, тоғай жайнайды сені күтіп,
Бұлбұл әнге салады сан құбылтып.

Әлди-ай, әлди-ай, әлди-ай!

Тауға шықсаң атаға гүл ала кел,
Алдың ашық, жан бөпем, қуана бер.

Әлди-ай, әлди-ай, әлди-ай!

Әнге, күйге әрқашан толы бауың,
Мектебің де соғады қоңырауын.

Әлди-ай, әлди-ай, әлди-ай!

Сен алысқа кеткенде сағынамын,
Ұйықтап қалдың біткенше менің әнім.

Әлди-ай, әлди-ай, әлди-ай!